Plantun de Prouvènço

Pèr coumpara dos planto d'encò nostre

Osyris alba & Bupleurum stellatum

Rouvet

Osyris alba

Santalaceae

Àutri noum : Brusc-fèr, Genestoun.

Nom en français : Osyris blanc.

Descripcioun :
Lou rouvet se recounèis l'estiéu e l'autouno à si poulit fru rouge. S'atrobo souvènt en troupo. Es uno planto emé dos meno de flour, masclo e femelo (diouïco). Li fueio soun simplo, alterno e verdalo.

Usanço :
La planto es empouisounanto e majamen li fru que sarien astringènt (sarro li car).

Port : Pichoto planto lignouso
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Osyris
Famiho : Santalaceae

Ordre : Santalales

Coulour de la flour : Verdo
Petalo : 3
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo
Estànci : Pancaro entresigna
Couroulougi : Pancaro entresigna
Ref. sc. : Osyris alba L., 1753

Buplèvre(-estela)

Bupleurum stellatum

Apiaceae Umbelliferae

Nom en français : Buplèvre étoilé.

Descripcioun :
Aquéu buplèvre trachis dins li roucas e li tepiero séusouso de mountagno. Èi mai coumun à l'uba de noste relarg. Se recounèis à si gràndis enflourejado qu'an de lòngui brateolo soudado e jauno. Li fueio soun longo e en lanço e parton de la baso que la cambo èi quàsi nuso. Lou fru de 4 à 5 mm, poulidet, porto de gròssi costo (vèire li fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 2,5 à 3 cm
Flourido : Estiéu

Sòu : Si
Autour basso e auto : 1200 à 2700 m
Aparado : Noun
Remarco : Endemico dis Aup
Juliet à avoust

Liò : Roucas - Tepiero roucaiouso - Champino
Estànci : Mountagnard à Aupen
Couroulougi : Ouroufito-Cèntre-Éuroupenco
Ref. sc. : Bupleurum stellatum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Osyris alba & Bupleurum stellatum

Coumpara Rouvet emé uno autro planto

Coumpara Buplèvre(-estela) emé uno autro planto